(ginawa ko ito dahil napikon ako sa mga homily na narinig ko, paulit-ulit na tungkol sa jealousy. wala ba silang maisip na ibang perspective??)
Matthew 20:1-16, yan yung gospel nung sunday, kahapon. tungkol sa isang lalaking may ari ng vineyard na kumuha ng mga trabahador. Kumuha siya ng grupo ng mga trabahador ng umaga, kumuha din siya nung hapon na, at kumuha rin siya nung mag gagabi na. sabay sabay natapos ang tatlong grupo, at kahit na mas maraming trinabahong oras ang mga naunang trabahador na kinuha, parehas parin ang sweldo nila dun sa mga huli nang nag trabaho. na pikon sila syempre. naasar. tapos kinutya tuloy sila ni jesus. bakit kaya noh? nasan naman kasi dun ang justice diba?
anyway, kung justice at justice lang, walang sinuway si jesus (o yung landlord) na batas, kasi pinag usapan naman nila na ganun talaga ang sahod, mabait lang talaga yung landlord para bigyan din ng mataas na sahod yung mga huli nang nagtrabaho. pera naman yun ng land lord eh, dapat wala na silang paki. wala silang dahilan magalit. oo nga naman, bakit sila magagalit?
tapos biglang sabi ng kaibigan ko: okey lang naman kahit mag bigay si jesus ng pare-parehas sa lahat ng mga workers, mas matagal man nag trabaho yung ilan, pera niya yun eh. pero ang problema, ano nang incentive para mag trabaho ng maaga, para mag trabaho ng mas mahabang oras? kasi isipin mo, kung alam naman ng tao na kahit late ka ganun din ang sweldo mo, lahat nalang mag papalate.
oo nga naman. bakit ka pa mag tra-trabaho ng mahabang oras diba? ibig sabihin ba nun walang karapatan si jesus kutyain yung mga nagreklamo sakanya, kasi tama naman sila eh. sa tingin ko, hindi. sa tingin ko, may ibang gustong iparating si jesus. tinatanong ng kaibigan ko kung ano ang incentive ng mga nagtrabaho ng mas maaga? yung trabaho mismo.
isipin mo to, bakit kaya nag reklamo yung mga workers na nag trabaho ng whole day nung nalaman nilang parehas lang yung sweldo nila dun sa mga nagtrabaho ng maiksing oras? kasi naiinggit sila na sila “nagpakahirap” ng matagal habang yung iba parang wala lang. nakita mo yun, dun sa trabaho, siya daw ay “nagpakahirap”. ibig sabihin nagreklamo yung worker kasi hindi niya naenjoy yung trabaho niya. hindi niya enjoy yung ginagawa niya para sa landlord. sa tingin ko, yun yung problemang gustong ipahayag ni jesus. ang incentive nung mga nag trabaho ng mas maaga ay yung trabaho nila mismo. ang tanging paraan para hindi sila malugi ay yakapin nila ang kanilang krus, ang kanilang trabaho. kung mahal nila yung krus nila, kung mahal nila ang ginagawa nila, ang service nila sa landlord (jesus) hindi sila magrereklamo na lugi sila sa mga nahuli. sa totoo nga’y mag papasalamat pa sila lalo kasi mas matagal nilang karga yung krus nila. gets mo? kelangan mong mahalin ang krus mo. yakapin ito. pagka’t sa pag gawa nito, tanging masusulit ang panahong nasa lilim tayo ng pagmamahal ni kristo.
